禮拜六又同阿霍挑咗舖TS (卡表在此)(簡易規則在此)
擲公字決定咗我係美國，阿霍做蘇聯
首先吹住風扇擺好基本配置先
開局蘇聯東歐6點，美國西歐7點
其實派咗咩牌，都唔會好影響我哋嘅考量
多數都係咁擺(今場之後突然醒覺擺1點喺土耳其冇乜用，反正廢嫡之前都唔會搞羅馬尼亞，擺喺希臘通往意大利好過)
頭條Defector取消咗阿霍張社會主義政府
認真好彩，開局俾人鏟走西歐3點一啲都唔好玩，而且蘇聯仲有 頭條-首輪 combo
首輪阿霍用red scare coup意大利，DEFCON降到4
只擲到2，啱啱好清走我嗰兩點
冇路擺得番，不過我都唔會為咗意大利浪費一個行動，我仲有更重要嘅嘢做
我用3點嘅華約控制咗伊朗同巴基斯坦，阿霍coup多一次之後我會搶埋最後個coup(DEFCON去到2就唔能夠coup戰場國，唔係會核戰)，即係我兩者可保其一
阿霍選擇咗巴基斯坦，of course，中東可以喺蘇聯首輪coup，以後再打番伊朗都得
擲咗個死人6，變咗紅色4點
我唔急將DEFCON由3降到2，而係再將影響力深入伊朗鄰國伊拉克
佢要coup埋伊朗就由佢啦，反正我一陣得入埋沙特阿拉伯
之後幾輪都冇人coup，阿霍喺做其他嘢
例如用納粹科學家推進太空競賽，USSR +2 VP
又用解殖攻東南亞同非洲
不過由於DEFCON未去到2，阿霍唔敢入非洲啲戰場國(1安定值太好coup啦)，所以只擺咗南非1點，其餘3點投放晒喺東南亞
我幾滿意呢個結果，解殖喺前期係強牌，但係最好執嘅1安定值戰場國一個都冇拎到(奸笑)
我自己就出咗中東計分，好想拎個非戰場國攞主導狀態，但DEFCON 3可以coup中東，如果俾阿霍coup到個非戰場國佢就有在場狀態，我會蝕3VP
所以只有 Presence 3 VP + 兩個戰場國2 VP = 5 VP，分數去到 +3
最後個coup都係俾阿霍用咗(其實係我唔想要先冇用到)
伊朗變成 0/2
個阿富汗係我見泰國俾蘇聯入先而搶嘅
制衡下亞洲紅色勢力(阿富汗係蘇聯鄰國，所以我亞洲計分時會+1 VP)
之後我出咗韓戰，打算用嗰2點搶先進入安哥拉(DEFCON係2可以入啦!!)
可惜俾阿霍打贏咗，我唯有將嗰兩點塞喺南韓
就咁一路再出卡，Turn 1完結時我軍事點不足被扣2 VP，VP token去咗紅色區，分數為 -1
Turn 2開始，我頭條CIA打算搶咗個coup(DEFCON每Turn完結都會改善一級，而蘇聯永遠先手，所以美國想coup只能靠頭條事件)
可惜戴高樂太可怕(法國變成1/1)，加埋蘇聯首輪就可以食咗法國，我唯有將CIA畀我嗰1點Op補喺法國，變2/1
阿霍冇4點牌食唔到法國(我有CIA所以我知)，首輪coup巴拉馬，成功，由1/0變咗0/2
法國冇事畀我補番，又淨淨雞擺1點喺馬拉開路入泰國(0/1，其實未係蘇聯控制)
佢好似睇唔到，仲用卡斯特羅搶古巴
咁我就順利用張3 Op嘅牌食咗泰國(依家係3/1)啦哈哈
呢回合入面我成功經過埃及進入利比亞，蘇聯太忙嚟唔切喺我放1點入埃及開路時出納瑟將軍
之後佢出咗，不過利比亞已經係我㗎啦~~(2/0)
之後都冇乜特別嘢，大家繼續放影響力拉攏不同國家
我知晒佢手牌，係着數咗
Turn2 完結我又係要罰2 VP(始終覺得前期搶地重要過2 VP，所以我都冇專登花一輪去coup啲非戰場國)
VP則為-3
Turn 3 棄牌堆(冇發生過或冇*嘅卡) 洗入牌庫
我抽到之前用過嘅大清洗，嘔心下柒頭霍先~
見到張蘇彝士運河危機真係屌咗出嚟，我上回合尾輪先送咗佢上太空
冇諗過即刻又俾佢抽到
冇咗英國1點、法國兩點、以色列1點(以色列空晒!!!不過我咁多中東國家唔志在)
首輪蘇聯coup利比亞，0/1，未控制到
我就算得閒都冇路入利比亞塞3點攞番啦
更何況要救法國
補番冇咗嗰兩點之後，阿霍出咗歐洲計分.......
一切都經過精心計算!!! 佢正好多我一個國家，有主導狀態，就係我英國失咗1點!!!!
不過呢，就算我睇到，佢花3 Op 就控制到三個東歐國家，蘇聯主導其實無可避免.....
Domination 7VP - Presence 3VP + 多一個戰場國1VP = 5VP
VP跌到 -8，唉......
後來我成功推進太空競賽條一格，拎到1 VP
亞洲計分勢均力敵，不過我有阿富汗，+1 VP
若干輪之後(唔記得啦)，Early War (Turn 1-3)結束，進入Mid War (Turn 4-7)，洗入Mid War卡片，今後每回合有7輪，派9張牌
我要罰1分，VP為 -7
世界形勢(請無視Turn Record Track個Token):
Mid War洗入牌庫，Turn 4我頭條烏蘇里江衝突，阿霍頭條勃日涅夫主義
我真係好彩，蘇聯喺支那內戰已經投入咗兩點影響力，差一點就可以拎支那牌上手
可惜啊，我喺咁之前就抽到強牌烏蘇里江衝突，兩點印度兩點北韓!!!!
呢鑊蘇聯頭痕啦，補番啲點就冇得coup，益咗我，咁究竟係補點定coup??
阿霍揀咗後者，不過唔記得咗佢coup邊，同埋好似係失敗咗
我就梗係強攻北韓啦，之後拉咗兩三輪鋸，蘇聯北韓唔夠我玩，搶番印度，我以8/5控制北韓!!!!
之後阿霍終於拎咗支那牌上手
然後強攻泰國(5 Op剛好塞到4點)，變3/5(唔記得反我個影響力Token去白色添)
我當然知佢有咩詭計，但佢干擾我其他地區(多1點真係好屈機，佢仲要好多3點牌喺手)，我騰唔出點去鞏固
阿霍出咗張OAS畀我
我就擺咗喺巴西，之後再食埋喺隔籬嘅委內瑞拉
我自己啲卡就幾頭痕下，兩張紅色美洲卡喺我手
又唔上得太空，已經飛走咗張Quagmire
唯有好好計劃拆呢個局，務求將傷害減到最低
我用 杜魯門主義 同 十搣 嗰兩點控制墨西哥(2/0)
咁樣解放神學，事件發生先，如果蘇聯攻墨西哥我就擺番兩點，搞其他國家就用嗰2 Op做其他嘢，阿霍做咗前者
不過阿蘭德就冇乜計啦，我好難入到阿根廷(我一入烏拉圭就會被coup，非戰場國唔降DEFCON)，南美最南嗰兩個戰場國就咁落入熊仔手中
蘇聯尾輪發動文化大革命，張中國牌去到我手唔夠一輪又要畀番阿霍，唉
跟住都冇乜特別啦，Turn 4完結， VP為 -6
Turn 5 我頭條穀物，阿霍頭條Junta
畀我抽中咗熊仔陷阱喎!!!!阿霍首輪就咁冇咗啦~~
不過Junta已經夠勁，但霍生人品太差，塞完兩點巴西(2/2)coup委內瑞拉，結果擲得個1，衰咗
首輪棄咗張教宗，擲到4，陷阱結束
已經為我爭取到足夠時間，即刻補番兩點喺巴西(4/2)
阿霍打出美洲進步同盟，我有墨西哥、巴西、委內瑞拉，+3 VP，去到 -3
阿霍又出咗東南亞計分牌，我一路都冇理到東南亞，所以俾佢賺到5 VP，去到 -8
之後佢又有刷仔，好彩擲得個1，唔係我委內瑞拉不保
仲有OPEC，不過畀着我係蘇聯就用嗰3 Op啦，因為只有利比亞同埃及+2 VP
Turn 5 於 VP -8 結束，蘇聯唔夠軍事點罰咗2 VP(Junta係free coup冇軍事點加)
Turn 6，我頭條德黑蘭，阿霍頭條劍橋五傑
抽唔到啲咩紅色靚牌，只係扔咗張孤膽槍手
至於蘇聯張頭條，佢話係冇牌好出先出呢張
真係食屎食著豆，我手上面有中美計分!!!
阿霍狼死到擺嗰1點喺危地馬拉，封死我墨西哥!!
睇嚟點都搶唔夠非戰場國去消除佢個主導，唯有硬食
Domination 3 VP - Presence 1 VP + 多一個戰場國1 VP+ 美國鄰國1 VP = 4 VP
蘇聯首輪用4 Op coup巴西，好彩只擲到2，我一陣可以補番嗰兩點
中東計分打和，冇加冇減(蘇聯控制利比亞、埃及、伊朗，美國控制以色列、伊拉克、沙特阿拉伯)
我出 鹽 喺棄牌堆執番刷仔，打 咬朘利亞(畀蘇聯先我一步搶到我一直都好唔鋸)
可惜又係擲唔中.....
DEFCON升咗去4，阿霍用張兩點卡coup扎伊爾，變0/1，我又係用兩點coup番，變咗1/0 (成件事係好搞笑......大家喺度混吉......)
Turn 6於 VP -14 結束，蘇聯唔夠軍事點罰咗1 VP
Turn 7 又再次將棄牌堆嘅牌洗入牌庫
我頭條印巴戰爭，阿霍頭條我們會埋葬你的，想盡快刷到VP -20 自動勝利
人品大爆發，擲到6，即刻變7/0!!!!亞洲係美國天下啦!!!!
可惜蘇聯頭條已經降咗DEFCON，冇咗coup戰場國呢個壓力，即刻coup我上一回合尾輪偷偷地擺一點開路入尼日尼亞嘅喀麥隆，變咗0/1，我計劃破產
阿霍出咗沙達驅逐蘇維埃勢力，打破埋中東勢力平衡(美國原先喺埃及有1點，大衞營畀嘅)!!!
亞洲我已經有較多戰場國，但國家數目少過蘇聯，冇主導狀態
我可以去攞啲非戰場國，不過冇乜大點牌喺手，要咁做好麻煩
反正張美國之音都唔可能谷到去最後回合(每回合如無意外可以keep一張卡喺手)
不如用鬼咗佢
所以就清咗老撾1點，越南1點，泰國1點，印尼1點(請無視阿霍隻手)
傻嘅都估到我有亞洲計分喺手，不過無力回天嚕~~
Domination 7 VP - Presence 3 VP + 多兩個戰場國 2 VP + 兩個蘇聯鄰國 2 VP = 8 VP
賺死我，分數去到 -7，蘇聯廿分個壓力消失咗啦~~
阿霍出殖民地護衛
實在有太多戰場國可以攻啦，兼顧唔到
之前又冇拎咗尼日尼亞先，搞到益咗我，哈哈
coup咗喀麥隆又如何，尼日尼亞始終係我嘅
廚房辯論，我出嘅
通常美國戰場國少啲，贏到我都覺得好驚喜，VP 去到 -6
同埋打緊字嗰陣我醒起唔記得咗篤阿霍一下.....第日補番先
Turn 7仲出咗一張南美計分，不過又係五五波，冇加冇減(蘇聯控制智利、阿根廷，美國控制委內瑞拉、巴西)
Turn 7 完結，Mid War(Turn 4-7)結束，進入Late War(Turn 8-10)，洗入Late War卡片
蘇聯要罰1分，VP 為 -5
世界形勢(請無視Turn Record Track個Token):
終於入Late War啦
屈咗成回合嘅東歐動盪可以大顯神威啦!!!!
上一回合我猛攻西歐，期望破咗阿霍個主導
可惜我只擺咗各1點喺丹麥同比利時，阿霍就即刻用4 Op食咗丹麥(1/4)
但有咗東歐動盪，一嘢清佢6點，睇佢點死!!!
Turn 8我頭條Junta(搶coup!!!)，阿霍頭條Aldrich Ames Remix
Junta個結果認真唔記得.....Sor......
阿霍就棄鬼咗我張東歐動盪，唉，人算不如天算..... 本來仲有埋獨立的紅Combo....
佢見到我有星球大戰仲即刻上太空，結果超前我一格，我冇乜希望啦
我啲卡全部都好垃圾，仲要俾蘇聯睇晒，所以我用完唯一有用嘅 獨立的紅 喺羅馬尼亞嘔心一下蘇聯之後
出咗不要問你的祖國，成手棄晒
條友真係黐黐地線，仲有張孤膽槍手
我撏番5張牌，睇都未睇又要開晒.....
Turn 8嘅阿根廷，真係唔記得做咗啲咩搞到變咗咁.....
阿霍睇晒我啲牌之後，腦入面已經蘊釀咗一個計謀.....
製造一場險境焗我用3 Op去救
之後打出拉丁美洲債務危機!!!!!
巴西同阿根廷即時變咗4/4同6/4，好彩阿根廷仍然安全，我兩點補番巴西
當然冇咁簡單，阿霍仲有一張鐵娘子!!!!
事件發生先，阿根廷變6/5，再用嗰3 Op塞入去變6/8
就咁冇咗阿根廷.....
之後都冇乜進攻防守啦，大家都用手上啲點嚟鞏固
Turn 8完結時VP 為 -8
Turn 9，我頭條蘇聯擊落南韓民機，阿霍頭條改革家
6點影響力真係有啲黐線.....不過我用咗頭條嗰啲 Op去鞏固西德，總算唔會俾佢掌控歐洲自動勝利
條友死好彩，有埋公開化
改善咗DEFCON，我梗係要coup啦，coup個非洲1安定值戰場國先~
但當我仲諗緊要coup邊一個國家嗰陣時，阿霍show出佢手上面嗰張戰爭遊戲.....
嗰陣VP 係 -8，畀佢贏咗!!!
我實在太大意啦，太耐冇玩唔記得咗提防呢張死人卡.....
不過咁樣end game真係反高潮，實俾諸位看官屌撚死......更何況我真係有卡可以救.....
所以決定回帶，繼續玩落去
我唔coup啦，出特殊關係+2 VP，嗰兩點影響力塞法國干擾蘇聯
依家諗番其實都係蠢咗，如果蘇聯睇個勢會輸的話佢會照出戰爭遊戲，VP 0打和end game
應該出中東計分
不過阿霍補咗點喺法國
我用3 Op嘅邪惡帝國coup安哥拉，得咗
出咗中東計分
Domination 5 VP - Presence 3 VP + 多兩個戰場國2 VP + 穿梭外交 1 VP = 5 VP
分數去到 -1 啦
阿霍洗(調整陣營)安哥拉同南非，依然係我控制
我洗巴拿馬同扎伊爾，結果唔錯
Turn 9結束，進入最後一個回合
Turn 10我頭條Missile Envy，阿霍頭條恐怖主義
蘇聯竟然一張4 Op嘅牌都冇，棄咗張垃圾Armament Race
我就冇咁好彩啦，抽中咗張刷仔嚟棄掉
不過諗深一層其實我都唔會用，VP 好吃緊，而鮮花反戰仍然on effect
棄走咗唔使頭痕點處理
阿霍覺得自己輸硬，所以黐Q咗線，打出咗學會擔憂，將DEFCON校到4
我coup咗阿根廷，阿霍coup咗尼日尼亞
中美計分又出現，同上次一樣係USSR +4 VP
尾輪蘇聯用支那牌強攻北韓，博我唔夠Op補番，亦都破唔到佢其他國家嘅控制(破咗佢冇得補番因為已end game，呢樣好可怕，美國可以破蘇聯主導甚至在場)
好彩我最後一張手牌係3 Op嘅潘興飛彈，剛好攞番
分數停留咗喺 -8，世界局勢係咁:
終場計分完畢，VP最終係 +2，美國根據歷史贏咗冷戰
阿霍好婉惜咁話如果我補唔番北韓就可以打和
但呢個時候我留意到張支那牌喺我嗰邊......
即係美國其實再多1 VP，分數應為 +3，冇咗北韓都照贏1 VP!!!!!
------------------------------------------------------------------------------------------
今次美國成功保住中東嘅江山(當然我好彩，兩次穆斯林革命都俾我撏到，飛上太空)
反觀蘇聯主導歐洲雖然VP幾可觀，但係要控制3安定值嘅國家，即使有華約、COMECON等卡嘅幫助亦都要花唔少Op
我角度嚟睇呢，如果唔係有blockade喺手，兼且有信心美國冇3 Op以上嘅牌，都唔好首輪coup意大利
美國唔係傻，你搶完意大利佢一定固防，西德根本冇乜可能搶到
中東仲可以buff OPEC，當然中東優先
太耐冇玩唔記得用洗，都係嗰句，調整陣營喺攻擊非洲國家係超有用
非戰場國嗰啲我太過淆，其實放3點去烏拉圭已經好難coup到1點都冇，要入阿根廷其實唔難
非洲冇主導到亦係一個遺憾，其實啲1安定值嘅非戰場國好易coup(仲要coup一個就已經OK)
唔知第4回合就俾美國抽到烏蘇里江衝突嘅機率係幾多
總之呢鑊我真係造成咗好大傷害
蘇聯Early War Op充裕的話，都係拎下支那牌啦
當然仲有就係Turn 8開始要留意戰爭遊戲!!!啊!!!我輸得好唔抵啊!!!!!!!!
下次再戰!!!希望再帶畀各位緊湊嘅戰局!!!
沒有留言:
張貼留言